A poboación deste concello adícase principalmente a actividades agrarias e gandeiras, fundamentalmente destinadas ao autoconsumo. Máis do 50% do terreo está adicado ao forestal e o resto divídese en cultivos e pastos distribuidos en numerosas parcelas, na súa maioría de pequena extensión.

 Existen tres industrias do sector madereiro bastante importantes e unha de instalacións eléctricas de baixa, media e alta tensión.

O resto da poboación activa practica outros oficios no mesmo municipio ou desprazándose ó de Betanzos ou A Coruña. O sector laboral da construción cobra dende hai uns anos gran relevancia e aínda medrará máis.