Oza dos Ríos atópase na Comarca das Mariñas, ocupando unha zona de transición entre as ribeiras dos ríos Mendo e Mero e a Montaña do Monte do Gato.
Constitúe un territorio natural e humano de singular interese pola súa grande variedade de paisaxes naturais e o seu salientable patrimonio cultural, no que destacan os seus ricos e variados exemplos de arquitectura románica e os xacementos arqueolóxicos, aínda sen explotar.
Ademáis conta cunha posición xeográfica e cunhas vías de comunicación privilexiadas tanto por estrada (A-6, N-VI, N-540, N-634) como polo paso do ferrocarril (Coruña-Palencia), o que permite un rápido acceso dende A Coruña, Betanzos, Santiago ou Lugo.